متزوجة ولم أنجب وزجى يعمل فى بلد آخر ، للأسف لا يستطيع أصطحابى معه  والمشكلة أنى فعلاً لا أستطيع العيش بدونه فليس عندى أولاد وزوجى يرفض خروجى إلا للضرورة حتى لوكان لزيارة أمى فأعيش مع والدته حماتى فهى ست كبيرة ولكن لها طبع خاص تخشى الجلوس بمفردها ولو خمس دقايق وذلك يمنعنى أن أشعر بخصوصيتى لا أستطيع غلق غرفة نومى على حتى لو ذهبت لأمى فتأتى معى ، لوحدثتها فى التليفون تحاول سماع المكالمة .

 حتى لا أطيل عليكم أنا محاصرة منها طول اليوم تحت المراقبة طول اليوم أما زوجى منيح وهو فى الإجازة عادى نتخانق نتصالح عادى زى أى زوجين إنما لما يسافر يتحول إلى إنسان عصبى جداً خناق ومشاكل بلا سبب ممكن فجأة يتصل عشان يتخانق يعنى لوعنده أى مشكلة فى شغله يطلع نرفزته فى بلا سبب ممكن يعيشنى فى الجحيم وبيحلف دايماً بطلاق وهذا الاشي بتجرحنى جداً وطبعاً تكلمت معه كتيراً جداً فى الموضوع  لما تحصل مشكلة كبيرة يهدأ قليلاً ثم  يرجع تانى ، أنا كرهت التليفونات والنت فعلاً وصلت لدرجة ما بقيت طايقة صوت التليفون نفسى أعيش مع جوزى نعيش عادى زى أي اتنين نفسى فى جوزى لحم ودم مش مجرد صوت ولا صورة على تليفون وبقيت عصبية جداً مش قادرة أتعامل معه على طول صورت نكدية وبتخانق وبشتكى منه وصلت له إحساس أنه ما يصلح يكون زوج وأنه ما فش فيو عجبانى لأني تعبانة ومهما أتكلم معه عشان أفهمه مشاعرى واللى بداخلي بيفهم غلط ومبيفهمنيش أليس من حقى أن أعيش مع زوجى تحت سقف واحد أليس من حقى أن أحمل وأكون أم لأنى محرومة بسب سفر زوجى لا تقولوا كلميه وفهميه باحتياجك له سنين ، وأنا بقوله بس هو ما عنده استعداد يترك عمله  ليعيش معى فى نفس البلد ياريت تفيدونى إزاى أسيطر على أعصابى وأتعامل مع جوزى بهدوء بدل خناق وغضب إزاى أرجعه لأني أسلوبى أصبح  يبعدنى عن جوزى أكتر وأخيراً  أنا متمسكة بيه ، لأنى بحبه جداً وهو يحبنى بس للأسف احنا الاتنين نتصرف غلط ، ياريت لا تعطونى حلول مثالية لا أقدر على تنفيذها عايزة حل واقعى .