لا تقولي لأ
دخلك دخيلك لا تقولي لأ
            من قبل ما الكلمات احكيها
وافهمي قصدي وحذاري النق
              دروب الاسى توعّي لتمشيها
رح خبرك انّه معايي حق
              انّك الي ولو قولت شو فيها ؟
لما لمحتك مارقه القلب دق
                 دقات عم تسكب معانيها
والورد يضحك والبنفسج رق
               حروف اللغه بالحب يغنيها
والليل ليّل والفجر انشق
           وطل الصباح وبسرّه حاميها
وغرّدالشادي وبالحانه زق
              وعشفافك البسمه رسمتيها
وعود وكمنجه مع قانون ورق
               عم يعزفو لحنك تغنّيها
وحياة رب السّما لا تخذليني لأ
            انت جنينة حياتي بس اسقيها