كيف صِرنا ؛
نمســِك بإيدينا العمر ونغـِيب بكّير
نبكـي ع عتم القبر
نشكي من وجع الغدِر ..
ونفلّ بكـــير !

كيف صِرنا ؛
لا عمر كفـــّا ... واكتمــَل
لا قلب فاقْ من الغزلْ
ولا ريـــــح ...
لا ريح هبّ من الجبل
حامل معه دمعِ الأهل
حامِل معه صرخة ولد, وبتقـــــــول :-
كيف صرنا ؟

كيف صرنا ؛
ثلاثِتنا كنّا أمل
ببدلـِة عريس مننغسـَل
ومن حرّ فرقان الأهل, منصــــــيحْ :-
كيف صرنا ؟

يا إمّي حاجِه تندَهي
ريّحي عينيكــِي من السهر
ريّحي عينيكي من البِكي
شو عاد بيفيــد الحكي
بعِد ما غـــبْنا !

كيف صرنا ؛
هيدا أنا وهيدا أخي
وثالثنا ماسِك بالقَمر
شادِد بإيدو من القهـــِر, وبيقـــــــولْ :-
كيف صرنا ؟

رأفت حرب/ بيت جن