مره شفت ختيار حامل دفتره                   قاعد تحت فيّة زتونه حامله
قرّبت صوبه بالتحيّه والسلام                   رد التحيه بالف مرحب كامله
قولتله يا عم شو اللي شاغلك                   تنحنح وكتفه هز بنظره شامله
بجمّع ليوميات عمري ودوّنا                   بطلعاتها ونزلاتهااللي محمّله
قالي يا بيّ اسماع منّي هالكلام                شايف انا الدّنيا عوجه ومايله
كان التواصل عمره شي خمسين عام        ما بين جيل وجيل منها مشكله
بهالوقت صار البعد واضح في الرؤى      ما بين ابن وبي صارت ماثله
وانحصر دور الاهل في الامر العسير      صلحه وضيافه مع كلام مجامله
لا في مشوره ولا تفاهم ولا احترام          ولا حدا فاضي لا حدا ولا معامله

وارتفع سقف المستوى من دون حساب     والخير مش عالكل ع شمال ويمين
الرّبع عايش فخفخه عز ودلال               الرّبع بيقلّدالناس الميسورين
والربع بعده عايش بحلمه اكيد               انّه سيصبح غني ع مرّالسنين
والباقي راضي بقسمته وبصحته             وعنده قناعه ثابته والله يعين

وولادنا عاشوا بفتره معقده                   علم وحضار وكومبيوترعال عال
البنت  تقضي الليل وبايدها موبايل          ضحك وحكي مع ثرثره والحال حال
والولد قاعد عالحسوب  وماسجات         يرسل لاصحابه كلام وقيل قال
وينسى دروسه والسنه راحت سدى       لا علامه جيّده والدمع سال
لا في رقابه من الاهل ولا اعتناء         وهاي النتيجه المؤسفه والتعب نال

وصارت الحاره لكل من ايده اله           ما حدا يسمع ل حدا والحل ضاع
والاّدمي خايف ليتبهدل اذا                قال الحقيقه بكلمته وبطول باع

حاجه بقى تنظير وحاجه فلسفه          مرخي عنان القلم وبايدك مطاع!!
هذا العصرفيّه تحرّروانفتاح            مش عاجبك ؟ مش راح تطول المستطاع !!
سجّل بيوميات عمرك يا اختيار       ال ماله كبير الفوضى راح تبقى مشاع
وكل جيل يتعلّم على حسابه الغلط     ان ما سمع كلمة كبيره باقتناع