كذب المنجّمون ……
مين اللي بيعلم بالغيب غير الرّب الد ياني
بتنجيمك مش رح بتصيب بتتخبط عالعمياني
ما عندي شك ولا ريب الدنيا مش فلتاني
الها اصول ومع ترتيب لا خايفه ولا هرباني
كل الكون بطول وعرض الجاذبيه حارسينه
شمس وقمر نجوم وارض ما بتزيح موازينه
لا سمح الله ان جد الجد وعم الخوف ملايينه
راح يحمينا اليوم وغد كل ما كنا طايعينه
المنجّم قالوا كذاب مهما تصدق اقواله
لو يحسب مية الف حساب بعلم الفلك واحواله
مهما برهن مهما جاب من تخمين بمجاله
رح يبقى سر الجواب عند الخالق لحاله
عيشتونا بحيره وخوف من المصايب والاهوال
شي مجهول وشي معروف وشي مجبول بقيل وقال
لا بدنا نعرف ونشوف بدنا مرشدنا المتعال
امره واضح وعالمكشوف بيحمينا وبكل مجال
يا ناس استهدوا بالله من الافكارالغيبيه
كل واحد برجه يلقاه بالاعمال الخيريه
غير الرحمن بعلاه ما بتنحل القضيه
كل ال بدنا نتمناه محبه وانسانيه