كل شي انوجدله بهالوقت حل وجواب والتكنولوجيا سيطرت ع عقولنا
حتى المطر والبرق صار بشهر اب ان احوجت من اجل ري حقولنا
والكومبيوتر والمواقع هب دب !! والفيس بوك واليو تيوب بدارنا
من الفجر حتى الفجر اخبار والعاب والوينر والبنجو هجم ع جيوبنا
قهوة الصّبح ما عاد قي الها حساب ما في وقت ل شربها نيّالنا
ورد التّحيه اصبحت ومعها العتاب الاّعلى المسيجات ما بيحلالنا
وحل الوظايف والمسائل والحساب حلقة تواصل عالموبايل لولادنا
والملتقى بين الصّبايا والشّباب بنادي التعارف والله يهدّي بالنا
ومعاهد التّجميل وانفتحت ابواب واسواق والتجميل ل اجسامنا
بدّك عينيك تكون خضره والاهداب ورموش سوده مكحّله تحلالنا
وخصل الشّعرمزروعه عا كلّ الجناب شي عاليمين وشي عالشمال عا راسنا
وما عدا تكبير الصّدرورفع الكعاب والتّم وارم هيك بدها زلامنا
والجيلي كنفش للشعرراس الشّباب وتسريحة الشعراللي غطا وجوهنا
والنظارات السّوده صبايا وعزاب وما حدا عارف حدا لون عيونا
ايّاك تسال شو القصه يا حباب بتصير رجعي في نظرفتيانا
وال مش عاجبه يقعد يسكر هالابواب ان شئنا وان ما شئناهاي احوالنا