مهداة إلى "م"

الولاء المدلوق.. بخليك بوق.. تدافع عن الغدارة.. وقلبك على أرضك محروق.. خسارة بعد خسارة .

الولاء المدلوق بجعلك خلنثى لا تجرؤ أن تدافع عن أرضك بعزيمة جبارة .

الولاء المدلوق.. بجعلك مزنوق..  نخنخة بدل ما تحافظ على أرضك لابنك بقوة هدارة .

بجعلك تناضل بين الصخور في مقام الست سارة.. عشان ما حد يشوفك إلا إذا كان راكب في  الطيارة .

تحيتنا إلى الشيخ عماد عطشة رمز النضال والطهارة.. تحياتنا إلى الشيخ كمال حمزة.. إلى الشيخ زاهر زاهر والشيخ محمود الفران.. واللي نسيناهم الهن أجر.. نوارة بجانب  نوارة .

الولاء المدلوق ما فيو شطارة.. ما فيو تحصيل  أكثر للحقوق..لانو بجعلك مثل السيجارة.. بعد ما تحترق بدعسوك تحت  أقدامهم في ساحة الحارة .

الولاء المدلوق ما فيو شطارة ما فيو تحصيل أكثر للحقوق.. بالعكس  بجعلوك بيض مسلوق.. بعد ما يأكلوك برموك قشور مع القذارة .

الولاء المدلوق.. بجعلك ورق محروق؟!! لا قيمة ولا شيمة.. قوام بتصير رماد وبتروح الحرارة .

الولاء المدلوق.. بجعلك ما تعرف تسوق.. بتدهور وبتكسر راسك الحجارة .

الولاء المدلوق اللي ما الو لزوم ما بجبلك غير قلة التقدير والحقارة .

بجعلك تستقبل وحش الوحوش اللي وصفنا بالوحوش أكبر.. اكبر عزارة .

بدنا زعامة نفسّها مع أهلها.. مش على الجاه والمصاري دوارة .

الولاء المدلوق.. بخليك مخزوق.. بدل ما كنت مالك ومرزوق.. بصريح العبارة .

وانتم يا شباب.. كيف بتقبلوا تخدموهن  وهنه عم ياخذوا ارضكوا وبلاحقوكم غرامات على العمارة .

  الولاء المدلوق.. مش رح يخليك تروق.. وإن أعطيت البدوق اليد اليمين  بدو اليد الشمال مع الإسوارة.. على السلب والنهب مهروق.. بدو يطول قصبتك القلب والطحال وما بتنازل حتى عن المرارة؟!!

الولاء المدلوق بجعلك مسحوق.. من الجبن.. البساطة وقلة الإدارة .

الولاء المدلوق بجعلك الفرس اللي بطارد عليها صهيون وسط البيارة

الولاء المدلوق.. بجعلك في الحضيض..  في حياتك ما رح تصير مرموق.. رح تبقى في الجيب الصغير.. فراطة ما الها تقدير.. مثل ما قال "يحنان بيرتس" " نشمئز من العربي المتملق ونعتبره حقير.. وهو نفسه ما قاله الرئيس السابق "كتسير".. فعلى القليلة لازم يكون الولاء مشروط.. عشان ما يخلعوك شلوط .

بصراحة.. إحنا حكمنا تيوس.. عشان هيك صهيون على حقوقنا يدوس..  من بساطتنا وقعنا ضحية ونأكلنا لحمة نية.. ما عرفنا انه لمن في جهل.. في فقر.. في قهر.. ما في اعتماد تنعيش ونأكل زاد.. إلا على الواسطة  ورحمة الأوغاد .

ما عرفنا انه لمن في علم.. في فهم.. في اقتصاد .

ما عرفنا انه لمن في علم.. في أبية.. في عيشة هنية.. في حرية.. ما في علينا أسياد