انا بنت لسه ببداية حياتي واول ما طلعت على هالدنيا تعرفت على شب,طبعا كان في منتهى اللطف والرجولة والوسامة!
تعرفنا على بعض منيح وحبينا بعض وان صح التعبير حبيته مو حبني!المهم ضلينا مع بعض يمكن سنة كان فيها كل شي بحياتي كل شي وكان طبعا واعدني انه رح نتزوج طبعا انا ما كنت شايفة الحقيقة قدامي مو شايفة شي الا اني بحبه وبس وما كنت بدي اشوف غير هيك بس سبحان الله شفت بس بعد فوات الاوان!!!

الصورة لتوضيح فقط 

اللي صار انه لما كنت معه كان يجهز ببيته ويوم يجيب تلفزيون ويوم تلاجة ويوم... وانا طبعا طايرة من الفرح انه قاعد بيجهز ببيتي!!!!!!
المهم جهز البيت واخيرا والحمد لله,وصار موعد الزواج فشو حكالي؟
حكالي انه الفلوس اللي معه جهز فيهم البيت وما معه تكاليف الزواج وما بده يخليني استنى لانه ما بده يظلمني!!!!!! وهو رح يشتغل الله اعلم كم سنة لحتى يصمد تكاليف الزواج.
طبعا انا رفضت انه يبعد اشد الرفض لاني ما توقعت هالنهاية راح وطالت الايام وغاب 3 شهور بدون ما يسال عني فانا سالت عنه فلما سالت حكولي خاطب,وخطب ايمتى بعد ما تركني باسبوع بس.
طبعا هلا انا تجازوت الازمة وبطلت اوثق بشي اسمه حب وصار عندي قناعة انه ما في احلى من الزواج التقليدي
عشان هيك بدي انصح كل بنت متلي ما تستنى لتجربي احنا هاي مشكلتنا ما بنفهم الا لحتى نجرب وننجرح بدي اوصي كل بنت سيبيكي من قصص الحب والشباب وما في احلى من حب الله ورسولة اقوي واحلى بمليون مرة ومرة وكمان الشباب اتقوا الله في البنات اللي بتعجبك يا بتروح تخطبها يا بتسكت!!!
كما تدين تدان حتى لو بعد مليون سنة وسلام