ارتبطت بزوجي بقصه حب كبيره لمده10 سنين قبل الجواز لكن زوجي كان بياخد مخدرات من أيام الخطوبة وأنا كنت عارفه وخبيت عن أهلي عشان كان عندي أمل انه يبطل بعد الجواز وساعدته مع أهله انه يدخل مستشفي للعلاج وبعد مطلع اتجوزنا ، لكن قبل الفرح بعشر ايام عرفت أنه رجع للمخدرات تاني بس مقدرتش أعمل حاجة وسكت وخبيث لغاية متجوزنا وبدأت المشاكل في كل حاجة من أول يوم الفرح وهوه بياخد ، تحولت حياتنا لنكد وخناقات وغم ، وطبعا المصاري وكان بياخد مصاري مني عشان يشتري ، ويكدب عليا طبعا فضلت أحاول معه لكن مفيش فايده وأهلي عرفوا لأني مقدرتش اخبي ولجأت لهم وهما في الأول حاولوا يساعدوه وراحو معه لدكاتره وادوله اكتر من فرصه علي مدي السنة  جواز ، ثم حملت علي طول في ابنتي من أول الجواز عشان كده كمان صبرت عليه أكتر ، حاولت معه بكل الطرق ،  إلي أن وصلت للنهاية معه ، وطلبت الطلاق وصممت عليه وأهلي كمان صمموا ، وفعلاً تم الطلاق بعد سنة جواز ، بعد عدة أشهر بدأ يتصل بي عن طريق أصدقاء مشتركين في الأول ، وبعد كده هو حاول وقعد يتكلم قد إيه هو أتغير وأنه تعالج وأنه عاوزنا نرجع عشان خاطر بنتنا ، في الأول أنا كنت رافضة تماماً وبعد ذلك  بدأت أسمعه لأني بحبه هو حب عمري ، رغم كل شيء ، وأول حب في حياتي ، أنا خائفه قوي يكون بطل مخدرات مؤقتاً ويرجع تاني ، مش عارفه أعمل ايه ساعات أقول الغي الموضوع وأريح دماغي ، كمان أهلي أنا مش متخيلة لما الموضوع يتفتح هما هيعملوا إيه أنا عارفة أنهم سوف يرفضوا جداً ، وأنا خائفة من مواجهتهم قوي باريت تشاور عليا شو اعمل أنا بجد محتارة ؟

لكل من يريد ارسل مشكلة وعرضها على موقعنا  ادخل هنا