مرحبا انا كتير محتارة بدي اعرض مشكلتي وياريت تساعدوني وتعطوني ارائكم واقراحاتكم انا مخطوبة لشب من فترة بسيطة خطيبي انسان رائع بمعنى الكلمة ولا مرة زعلني ولا جرح مشاعري بكلمة او تصرف وكل اللي بيهمو اني اكون مبسوطة طبعا من اول ماتعرفنا صارحني بماضيه وحكالي انو كان يحب بنت بس هالبنت الله يرحمها توفت بمرض انا تقبلت هالحكي خصوصي لانها مش بحياتو هلأ وحكالي انوبدو ينسى االماضي ويبدأ حياة جديدة معي انا وقفت جنبو وفكرت حالي بنسيه بس مرة لاقيت على النت خاطرة هو كاتبها عنها وقديش بيتعذب من بعدها وقديش مشتاقلها وكيف حياتو من غيرها طبعا كاتبها بعد ماخطبنا مابخبي عليكو قديش ادايقت وبكيت لاني حسيت حالي كل اشي عملتو عشانو على الفاضي ووجودي جنبو على الفاضي واني ماالي وجود بحياتو رغم هيك سكتت مابدي يحكيلي بتغاري من وحدة ميتة بس سدقوني مش غيرة لا انا حسيت اني ولا اشي بحياتو من الكلام اللي كان كاتبو وبالفعل ماخبرتو وضليت ساكتة بعدها بفترة نزل كمان خاطرتين برضو عنها وقتها حسيت انو خلص ماعاد فيني اتحمل اكتر ولازم احكيلو واعرف شو انا بحياتو وشو هيي بحياتو بس لما بيكون معي او بيحكي معي بيكون كتير مبسوط وبيحكيلي مابدي شي من الدنيا غيرك بجد محتارة ولا عارفة شو اعمل بتنصحوني احكيلو ولا اضل ساكتة وحاطة بقلبي بدي ارائكم وشكراً الكم سلفاً واعذروني على الاطالة.