انا بنت من شفاعمرو"مناطق 48" عمري 20 سنة لما كان عمري 17 يعني لما كنت بعدني مش واعية للحياة كتير منيح كنت احكي مع شباب وعملت اغلاط كتيرة والناس كلها حكت
علي وحكت اكتر بكتير من الحقيقة وخسرت صاحباتي وتخلوا عني وصرت بنظر كل الناس بنت بلا شرف بس واللة وحدو عارف اني بنت شريفة والحمدللة ما خسرت شرفي بس خسرت سمعتي ومن وقتها والناس مش كاينة تنسى وبنظرو الي كأنو مبارح صار معي الي صار والكل بدو يتعرف علي بس ليتسلو.. انا بعترف اني غلطت بس كنت لسى ما بعقل كفاية وكنت مفكرة انو هذا تسلاي وما كان قصدي شي عاطل او انو نيتي مش منيحة والسبب الاكبر انو كنت طالعة من تجربة حب فاشلة الي دفعتني لهالغلط..بس الي مجنني انو العالم ما بترحم ومش كاينة تنسى اي شي..بعرف انو ما بينفع الندم بس لو بيرجع الزمن لورا كان ما عملت اي شي غلط.. كيف بدي اثبت للناس اني بنت شريفة وانو انا تعلمت من غلطتي وانو مستحيل بعد اقع بنفس الغلطة واني بنت شريفة وشرفي معي ومش ممكن اخسرو حتى لو انا كنت اتسلى زمان بس مش لدرجة اني اخسر شرفي..نفسي بشخص يفهمني.. انا مش طالبة من ربي غير يسامحني ومش طالبة غير السترة واللة انا بنت منيحة بس بدي مين يفهم ويقدر.. نفسي بشخص يوقف معي على عذاب الحياة ويكون الي ومعي ضد كل الناس ويساعدني اني اورجي الناس اني بنت منيحة..حاولت اني اتحجب بس ما عنا حدا بالبيت متدين عشان هيك ابوي ما وافق وقلي بس تتجوزي بتتحجبي..وفعلا اقتنعت بس يا ترى راح الاقي الشخص الي يقبلني بعد كل هذا..راح الاقي شخص يساعدني بهالحياة..بتمنى ومش طالبة من ربي غير السترة الي اتريح واريح اهلي وابسطهن..بترجاكوا تساعدوني ما كتبت هون الا بعد ما ضاقت في الدنيا واختنقت على امل الاقي راحة قلبي هون..متأسفة اني طولت عليكوا وبتمنى من النشر بأسرع وقت ممكن وشكرا كتير الكوا