اول شي حابه احكيلكم شوي عني انا نصراويه عمري 21 سنه متعلمة ومن عائلة محترمه وبملك الجمال العربي الفلسطيني ......
قصتي بالحب من وجهة نظري اغرب قصة مرت بحياتي لانه الصدفه لعبت دور فيها . بوقتها كان عمري 15 سنه وكان يصلني كتير معاكسات لهيك انجبرت اغير رقم تلفوني وغيرتو لرقم انا اخترتو بنفسي وبنفس اليوم اتصل فيي شاب وهو خطيبي اليوم واعتذر مني لانه غلط بس برقم عن رقم صاحبه وتاني يوم عاود الاتصال ومن وقتها نشأت بيننا اكبر قصة حب عرفتها البشرية وانا اتمسكت فيه لاني بأمن بالصدفه والقدر هو الي جمعنا بس كانت صدمة كبيرة لاهلي لاني اخترت شاب من مناطق الضفة وبالاخر انجبروا يوافقوا بعد ما عرفوا اني قررت اتزوجوا لهيك من بعد عذاب 5 سنين الي كنت فيها ارفض كل العرسان وصممت اني ما اتزوج غيرو وهو ما يتزوج غيري حياتي ابتدت ..
بس مشكلتي هي اننا قررنا اننا نسكن برام الله وكتير من عنا خوفوني من حياة الضفة واني شي اكيد ما راح اتحملها وكل شي غير عن حياتنا وان اقدرت اعتاد على الحياه في مليون هم بحياتهم .. الكل عم بخوفني وما حد مأيدني الي بحكيلي بكرا بدك تلبس شرعي والي بقول انه شباب الضفه بعاملوا زوجاتهم بعنف وماما وبابا بحكولي انتي اخترتي حياتك ما ذنبنا ان ارجعتلينا مطلقه بعيد الشر انا لو بموت ما بدي اتركو بس بدي حد يرفعلي معنوياتي لانه نفسيتي صارت بالارض وبدي اسأل هل فعلا كلامهم على صواب ..
وشكرا من عاشقه نصراوية