انا شاب من نابلس حبيت بنت من منطقة حيفا عرب 48 ..غيرتها بكل شي مع انها ما كاانت مقتنعه بس لانها حبتني اتقبلت الوضع ..
بس هلاء انا ما بدي الارتباط فيها والسبب اهلها انهنت بسببها وبسبب حبي الها والسبب انا من وين وهي من وين وتهمت بالمجنون لاني فكرت احب حيفاوية واتهمت بالطمع بالهوية الاسرائيليه مع انو ما بشرفني اني احملها وبحب بنتهم لدرجة الجنون وحتى هي حرموها من الجوال والنت بسبب حبها الي .
ليه ما كلنا فلسطينية ولا هم على راسهم ريشة
انا بحب عرب 48 كتير بس سؤال ليه انتم بتفكروا اللبس الموديرن وسهر البنات والشباب بالليالي والتعالي بالمال هو من اساس الحياه الناجحه الحب وين راح ؟؟
ما كلنا من طبقة وحده وشعب واحد وهم واحد ودم واحد ؟؟
يا ريت لو القلوب بتصفى ما بدي مساعده بس بدي افتح قلبي لاني قررت انساها واحب من جديد ومن بلدي مع اني هيك راح اظلمها بس بالاخر كل شي بالدنيا ولا اهانة فلسطيني كل ذنبو انه فلسطيني