وصلت الى موقع المدار رسالة من فتاة درزية جاءت فيها :"انا بنت عمري 19 سنة قبل كم من سنة تعرفت على شب وكنت كثير صحاب انا وياه وبحترموا كثير.. ومرة وحدة ومع مرور الايام تقدملي وانا وافقت وحكيت معو فترة سبع شهور بدون علم اي شخص من عيلتي واهلي وتعلقت فيو كثير وبعد هاي الفترة عرفوا اهلي ووافقوا وجاب اهلوا وتقدمولي بشكل رسمي.. وصرت كل ما اتعلق فيو حبو اكثر وهو نفس شي تعلقنا ببعض كثير وصارت قصتنا غريبة وبلش يغار علي كثير ويخاف عل كثير بس ما بشك في اما في كثير شغلات بحب اني اعملها من خوفه علي ما بخليني اعملها هو ما بشك في بس بخاف من غدر الزمن الي رغم انا بنت واعيه وبعرف شو بتصرف .. وبلشت مشاكلنا تكبر ونقارات وجدالات كثير وبعد هاي الايام صرنا اليوم الي نكون فيو مبسوطين معناها اعجوبة هو صار يفهمني كثير غلط ويناقرني على كل شي اما انا ما بقدر ازعلو او اناقروا صرت اتهرب منو ولاا ما منقدر نترك بعض قلنا بدنا نتزوج رغم انه في كثير مشاكل بيناتنا بس انا بشوف ان نقدر كثير نكنون مناح بس هو ما بتعاون معي.. وانا ما بقدر عيش من دونو وهو نفس شي كل ما بدنا نترك منرجع.. اي اشي بعملنا مشاكل ودايما حلنا الترك.. اما لان كثير متعلقين ببعض ومنحب بعض ما عمنترك.. انا بدي مساعدتكوا رح نتزوج ومنناقر على كل شي وكمان اذا منترك في كثير مشاكل رح تصير بين اهلي واهله لانهم اصحاب من زمان وبعمرهم ما تزاعلوا على شي .. شو في حل شو اعمل.. ابقى معو رغم مشكلتنا ولا اترك بس ما بقدر دايما متوترة.. بطلب من الجميع مساعدتي دايما انا بتوتر.. وبشكركوا الجميع.. وبتمنى ان تنشروا طلبي يا احلو موقع".

الصورة للتوضيح فقط! 

يطلب موقع المدار من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقعنا بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:almadar.co.il@gmail.com