مرحبا لكل مشاهدي موقع المدار  انا محتارة وتعبت من التفكير ومش عارفة الاقي حل القصة باختصار انا حبيت شب من تلات سنين وبعد هيك بعدنا سنة بسبب مشاكل وسوء فهم لما رجعنا مضينا شهرين مع بعض وحكالي احنا مستحيل نكون لبعض لانو من نفس الجيل وانتي حرام تضيعي فرص كتير مشاني انا بدي فترة لابني حالي ومستقبلي يعني شي 5 او 6 سنين وحرام تستني كتير واهلك بوافقوش تضلي هيك وقررنا انو نبعد بس بعد يوم رجع اتصل قلي مش قادر ابعد عنك وحاسس اشي ناقصني واقترح انو نضل مع بعض ونحب بعض لحتى اخطب وقتها بنحط تحت الامر الواقعد وببعد وبعرف انو مستحيل ارجعلو وانا وافقت اغلب صاحباتي حكولي حلو اللي صار وضلو والبعض حكالي مش منطق هاد لانو مش لبعض
بعدها دخل بحياتي شب تاني بشتغل واكبر من ب 3 سنين وبحبني بجنون لدرجة حكيتلو احنا مش لبعض وانا بديش احب رغم هيك اتمسك فيي مش عارفة شو اعمل مع الاول احكيلو انو خلص لازم نبعد لانو انا لقيت الشب اللي بضمن حياتي معو ولا شو اعمل بدي مساعدة بترجاكم لانو تعبت من التفكير لدرجة بتمنى الموت احيانا لارتاح !!

الصورة للتوضيح فقط !!