انا بنت عمري 16سنه وبحب شب وهو بحبني وبدو يخطبني بس انا عندي اخت اكبر مني بسنتين وبابا ما راح يزوجني الا بعد زواج اختي لانها اكبر مني حتى انوا حبيبي اجا حكى مع بابا ليخطبني لكن بابا رفضوا وما خبرني ولا حتى سالني عن راي ولكن انا عرفت من ورا لورا انهم ما راح يزوجوني قبل اختي وقلت لحبيبي انو بابا رفضوا مشان اختي ولو اختي اتزوجت راح يوافق وهلا بتبدأالمشكله الحقيقيه راح خطيبي يفكر كيف يتخلص من مشكلة اختي وراح بعت الها واحد يمثل عليها دور الحب لحتى بعدين يخطبها لفتره وبعدين يفك خطبتها يعني بس مشان يسهل علينا الزواج بس انا شايفه هلأاختى وهي مبسوطه وانا فاهمه بجواتي انها بتحب الكزاب يلي بيعمل عليها الفلم ومو هاين عليا انها تنجرح بس كيف بقدر انصحها بدون ما تعرف كل شئ غير اني ما بدي حد يعرف بقصة حبي حتى تكمل الامور كلها بسلام وانا بس بدي اتزوجوا بالحلال وما بدي اكسر خاطر اختي بتمنى انكم ما تستهزؤا في مشكلتي وما تقولولي احكي مع امك راح تفيدك لانه على فكره احنا ستي يلي ربتنا لانو ماما توفت وعمري ست سنوات وربتنا ستي وما اعتقد ستي راح تفهم مشاعري وبابا خليه لمرتو بس بتمنى انو ما يوقف بوش سعادتي ويارب يوافق على زواجي