مفاجأة زي هاي ما حدا كان متوقع !

مبروك، مبروك، مبروك !!

الف مبروك لإيمان وذياب دحلة من طرعان على ولادة ثلاثية الأولاد : احمد، إبراهيم ومحمد !

ايمان وذياب دحلة اهل ل 3 بنات، وهالمرة كانوا بدهن ولد وعشان هيك بلّشوا بعلاج اخصاب وبعد اكم علاج خبّروهن انّه ايمان حامل بثلاثية أولاد !

ايمان :" انصدمنا ! ولا حدا توقع هاد الاشي..كانت مفاجأة – 3 أولاد، شكرا يا ربّي".

ايمان وصلت طوارئ الوالدات مع فقدان مياه مبكّر، وولادة الثلاثية كانت بعملية قيصرية بالاسبوع ال 28+2، من وقتها كانت تحت علاج ومراقبة من طاقم قسم الام والمولود. بعد الولادة تم ادخال الأولاد تحت مراقبة الطاقم المهني في قسم الخدّج.

وكمّلت ايمان :" هاد حملي الرابع، عندي 3 بنات بالبيت، جود (10 سنين)، جولان (8 سنين) وسما (5 سنين)، بيوم واحد تحولنا لعيلة كبيرة، هاي فرحة بتنوصفش بالكلمات..كل مرة بطّلع عليهن قلبي بدق من الفرحة، طبعا في كمان مخاوف وملان تحديات ع الطريق".

تقريبا شهرين كانوا الأولاد تحت المراقبة في قسم الخدّج. لمّا روّحوا ع البيت ايمان كتبتلنا:

" باسمي وباسم جوزي منشكركوا من كل قلبنا على المعاملة الخاصة لإلي ولأولادي. فش كلمات كافية توصف المستشفى وطاقم قسم الخدّج خاصةً على المهنية

والمعاملة الأكثر من رائعة اللي خلتنا نحس حالنا ببيتنا الثاني في فترة الإقامة".

عائلة دحلة العزيزة، طاقم قسم الام والمولود بتمنالكوا الصحة، السعادة وهداة البال الكوا ولاولادكوا.