ما في أحلى من ... بقلم مرام معلم الناصرة
2009-07-16 01:13:58
شو في أحلى من العطلة الصيفية                         نقضيها عالبحر تحت الشمسية
نوكل بطيخ وتمر                                           ونلعب بالطابة عالرمل
ما في دروس تزعجنا                                      ولا ساعة الصبح تفيقنا 
ما في دروس وامتحانات                                 ولا معلمين ومعلمات
 
شو في أحلى من فيقه الصبح متأخر                     مرتاح وما في أشي بكدر
مع لقمة فطور هنية                                        فيها بيضة برشت أو مقلية
 
شو في أحلى من شهرين                                 تقضيهن مع الشلة مرتاح العين
ومع الأهل والأحباب                                     وبعض الأقارب والأصحاب
 
شو في أحلى من هيك نهار                              تسمع فيه أغاني وترقص بالدار
 
شو في أحلى من كل يوم مشوار                         مرة مع الشلة ومرة مع الجار
تلفوا الشوارع طول النهار                                وتنسوا يا أحبابي كل شي صار
 
شو في أحلى من سحر الليل                             مع موال يا ليل يا ليل
تحت ضو القمر عالسطوح                              والشعر الأسمر عم بلوح
أو مشوار عالفندق                                         تقعد عالبرندة وتوكل بندق

يجييك الجرسون:" تأمر أي"؟؟                          تقولو:"مرطبات أو نسكفي..."       

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير
الاسم الكامل :
مكان الاقامة :
التعليق :
هام جدا : أدارة الموقع لا تنشر اي تعقيب فيه تجاوز لقانون القذف والتشهير, وتقع المسؤلية على كاتب التعقيب
Copyright © almadar.co.il 2010-2024 | All Rights Reserved © جميع الحقوق محفوظة لموقع المدار الاول في الشمال
سيجما سبيس بناء مواقع انترنت
X أغلق
X أغلق