شو هالهلع والخوف دب بهالبشر              من الافلوانزا اللي غزت عديارنا
من غير استاذان او لفتة نظر                   وعا حين غرّه تغيرت احوالنا
وكل الصحافه الصادره نشرت خبر           وصرنا كانه هايمه افكارنا
والمسؤولين يطمنوا ما في خطر               ان عرفنا كيف نحمي حالنا
وبالوعي مطلوب منّا والحذر                   ليتفشّى هالمرض باجواءنا
وكلنا مع بعض نتعاون أسر                    لننتصر عالشّرويهدا با لنا                            
بس الحقيقه كثير في عنّا صور                مشوّهه وسودا عكل بلادنا
وبمجتمعنا العنف مستشري غدر              صبح ومسا وبالليل في حاراتنا
من دون ادنى سبب وبعز الظهر               طوشه كبيره عالقه بشبّاننا
هذا جريح انصاب من ضربة حجر           وهذا اكل لكمات هاي افعالنا
وصرنا ع هالموّال كل يوم العصر           هاي المشاهد دارجه بساحاتنا
ناهيك عن سرعةالسّيربهالسّفر                 والحوادث عايمه بطرقاتنا
ال ماتوا ضحايا بهالشّوارع والحفر           اكثر من ال ماتوا من حروباتنا
وموضه جديده اثنين وبنص الممر              يتحدثوا وبيحرقوا اعصابنا
ويا ويلك ان ابديت رايك بالامر               شتم واهانه وننصرف عاشغالنا
والتراكترون الهايج بسهل وعر                بين البيوت وما بهمّه زغارنا
والبهلوانيّات والعاب السّحر                    يمشي على عجلين ويدهس جارنا
وفي اهل قلقانين لو ربّك ستر                  تا يرجعوا سالمين عبيوتاتنا
وفي اهل قانع بالقضاء وبالقدر                تبقى المصيبه اهون بايمانا
انشالله المصل يقضي ع هالمرض العسير  ومصل تاني يحمي مجتمعاتنا