بسم الله الرحمان الرحيم
الله يرحمك يا شيخ ابو كمال يا خلفت الاجاويد تربايتك تربايه اهل الحكمه والدين ...الله يرحم بيً خلفك ويحي امً ربتك ع سراط مستقيم
يا شيخ يا بو كمال يا خلفه الاجاويد بيك من قبلك مرحوم والاصل مثبوت يا حيف عليك يا صاحب المعالي يا كبير يا حيف عليك مثل اخلاصك لا صحابك بعد ما بسير
انت كنت للكل الاب وانت المشير
كنت بزمانك امين لصداقه وحميد الخصال كنت تلفي الضيف يا محلى رنت قهوتك على الفنجان كان بيتك للكل عنوان تشاورو المشايخ بعين النباها وقالوا أ حيف ع ابو كمال راعي االنزاها
خطم طير الحمام وقال طويلي وتقول لينا ال يا يابا عسه هلغيبه ما تكون طويله
انا يا يابا ناطري العيد وتجبلي معك عيده قبل العيد انكسر خاطري وكان في ظنوني بدنا نعيد سويه
ال يا يابا رحت لتحت الحد وانا في الدار ابقيت وحدني
ويقول كمال ال يا يابا بعدو فدوا لا فراقك ما ان الاوان
وبعدك ما فرحت في ولا عليتلي البنيان
ال يا يابا موتك معجل وما كان في الحسبان
في دار ما عوت اقشعك
وبين اخوتي وعمامي ما عدت اسمعك
يا ريت بقيت مريض وتقلي شو عم يوجعك كنت باجيب الحكيم بلكي الدواء بنفعك
ال قبل ما تفارق وصيت علينا خوالي الغوالي وقلتلهن يسالوني عن حالي
انا من بعدك صرت يتيم والهم كبير ما بقدر احملو لحالي
بقولوا بناتوا ال يا يابا كنت مثل الشمس وهي هنيه كنت ترحب فينا في صيف وشتوي منبعدك يا كبير من النا مشير
تع لعنا وزورنا ليلت عيد بجاه سيدي شعيب هل فراق ما يكون بعيد
ولا نسير يتاما من بعدك عطول زمان
انت يا يابا عزنا وعزوتنا عفراقك راح راس مالنا ونطفت شمعتنا
يا شهر اب ريتك علينا ما هليت ولا الوجع في قلب بوي حطيت
يا شهر اب يا شهر المصاب يا شهر فيك فارقونا الحباب
وبقول ابو كمال
انا رايح وبخاطركوا يا اهل عيلتنا
انا رايح وبخاطرك يا اهل ضيعتنا
انا رايح وبخاطركوا يا هنسايب
انا رايح وبخاطرك يا امي الحنونه
انا رايح وبخاطركوا يا رفاقي
ايقوا بالخير واذكروني
له الرحمه ولكم من بعده طول البقاء