عيدي يا حلوه عيدي       هالكلمه الحلوه وجيدي
قولي بحبّك حب ورب    بقدملك شو بتريدي 

ان قولتيلي جبلي يا قوت   ومرجان من البحر بفوت
لو ما عندي خبز وقوت    رح اشبع من تنهيدي

ان قولتيلي بدي مهره     رح جيبها من عا بكره
يا ويلي شو هالفكره      قريبه ولانها بعيدي

ان قولتيلي يلاّ عالشط   نسبح بالميّ واّنط 
خايف للشحروريغط    ويسرق مني القصيده

لو تلفنتي بنص الليل    برد عليكي بعزم وحيل
راكب على ظهور الخيل  وحاملك ورده بايدي

لو ناديتي بعز الظهر  والحساد يطقّوا قهر
لا تخافي محضرلك مهر وزيدي ان بدّك زيدي

عالعوازل لا تردّي   ولا تهتمّي وتحتدي
عالغيره صارلن مدّه  تا يحكوا قصّه جديده

نفسي اهديكي هدّيه  غالي وحلوه وشلبيه
اسواره بايدك غيّه  وغيدي يا عيوني غيدي