يا مين يسمعني ويعطيني الجواب
شو اللي جرى لبلادنا من بهدله

كل البلاد احتلت وحل الخراب
مش بس نحن جابهاتناالمشكله

ومن بعد طول سنين ومع قسوه  وعذاب
وقتل ودمار وهدم وفكره قاتله

اليابان صارت مزرعه وارضها خراب
اسال هروشيما انهدمت كامله

والمانيا اللي تدمرت والعز غاب
صارت من العشر الدول الفاعله

باريس مع روما تاريخها شاب
حتى استفاقت بانتفاضه شامله

شو اللي جعلنا لهالوقت غيّاب
تايهين عا درب الحياة الهايمه

واتقسّمت اوطانا وحام الغراب
باطلالناوالياس حاله شاغله

ما عاد فينا نشتكي والامل شاب
وما حدا فاهم ليه الدنيا ظالمه

قعدنا علىرصيف الحياه اغراب
نستنا رحمة ربناومش نازله!

المشكله فينا وما بدها حساب
بيكفي بقى تقسيم وفكره مايله

هذا مسيحي وهذا كردي الكل ساب
سني وشيعي والعداوه ماثله

حاجه بقى قيس ويمن وشك وعتاب
ورايات مليانه بمعاني زايله

هذا السبب وكل السبب وعنا الجواب
نشبك ايدينا مع اراده عاليه

الله عطانا سهول ومروج وهضاب
بترول مع فوسفات عنا مشايله

لازم نصونها من العدا صبح وغياب
ننعم بخيرهااليوم بهمّه عاليه

شدّوا السواعد يا عرب عدّوا الركاب
الايام دهمتنا ومشاهد مؤلمه

وان ما لحقنا ننبعث ونصبح حباب
ل نصير للتاريخ اكبر مهزله