الامم تبني حضارتها ب جدها                  بتكاتفها باحفادها وجدها
التربه الصالحه الزارع بجدها                 مونه مخزّنه عند ال طلب

بمقياس الحضاره الامم تنعد                  برقيّها ومش بكثر النّسل تنعد
بكدّها وعلمها الخيرات تنعاد                 عكل ربوعها باربع جناب

الحضاره اشرقت شمسها علينا               بوحدتنا وبايمانّا علينا
وبعد ما جارت الدنيا علينا                   انهدم صرح الامل والعز غاب

نمنا سنين لا صحينا ولا فقنا                وعلى دروب الدجل سرنا ولفّقنا
لو بقينا بوحدتنا ما فاقنا                     العدو وجال باوطان العرب

نادانا المنتصر يا عرب مالكوا            انتصرنا عالغرب بجيشه وملكه
والرّحمن عا عرشه وعملكه               حمانا وما اهتدينا عالصواب

ابن سينا الو بالطب اركان                  وعمّر للعلم ابراج واركان
بعد ما ابدع ابهالكون اركن                على احفاده اللي ما عرفوا الجواب

الكندي في مجال الفن منبر                وبفلسفته المعرّي اعتلى منبر
والفرابي لو اتى هالحين من بر          وشاف العرب قال المجد عاب

الغزالي بحكمته اكبر علاّمه             وجبران انعطى اعلى علامه
وبن رشد ال حمل رايه وعلامه        اغنى المكتبه وبكل باب

راح ان رجّع ماضينا ان كان ردنا       يا ربّي عا دروب الخير ردنا
باصرار وعزيمه يكون ردنا            انفتاح وعصرنه وعلم وادب