الامثال عند العرب حكم وعبر وهي من التجارب الحياتيّه
حاولت ان اصيغها بابيات من العتابا وهاكم بعض الامثله
الجود من الموجود
العرب قالت من الموجود جودوا لانّه من فضل ربّك وجوده
وعفعل الخير والاحسان جودوا على جنّة عدن دقّوا الابواب
مش كل مرّه بتسلم الجرّه
الجرّه ما بتسلم كل مرّه ولو صانها المهلهل ابن مرّه
الحياة مكوّنه حلوه ومرّه هنا وبهجه وحلا وغم وعذاب
حبل الكذب قصير
حبل الكذب يا عالم ولو طال قصير وصاحبه يعلق ولو طال
لعمره حقق اهدافه ولو طل الربح عا مربعه يصبح سراب
يا خوف عكا من هدير البحر
يا عكا لا تخافي ولا يهمّك من هدير البحر لو زاد همّك
علّي صوتك وارفعي هامك انكتب تاريخك بميّة ذهب
كل من عدينه الله يعينه
كل انسان عا ملته عا دينه اذا بيتقبّل الاّخر عدينه
الامانه يصونها ويسد دينه هيك مدوّنه باغلا كتاب
من تدخّل في ما لا يعنيه
لا تدخّل بشأن الغيرمالك لتسمع باللي ما يرضيك وما لك
ما بيسوّي رزق بيّك ومالك الاهانه ما بتمحيها الحقب
الجمل ان برك كثروا سكاكينه
الجمل لمّا برك وازداد سنّه سكاكين التّشفي الكل سنوّا
قوانين العدل يا كبار سنّوا لتحموا البشر ويسود الصواب
ضرب العصي مش مثل البعدها
ضرب العصي مش مثل البعدها كما الخياّل للمهره بعدها
عزاز النّفس ما بقدر ع بعدها ولو حطّوا الحبال على الرّقاب