هي حبيبتي وأختي وصديقتي..
إن سألتها شي بتكون مرشدتي
وإذا انجرحت بتكون طبيبتي
أنا جزء منها وهي جزء مني
دايما بتسأل وبتطمن عني
أنا بزعلها كتير لكنها ما بتزعل مني
وفي كل الأحوال أبدا ما بتتركني
          بالمشورة والنصيحة هي عنواني
          وبالمحبة والحنان علي مش بخلاني
          بين ايديها بحط كل أحلامي
          وبقلبها الكبير كنز الأماني.
هي مستودع كل أسراري
أفكاري منها مصدر قراري
ونظرتها إلي مصدر إلهامي
بتفهمني بدون ما احكي
وبتعرف حزني قبل ما اشكي
ببلاد الله ما بلاقي متلا
صوتها الحنون ما بفارق سماعي
وابتسامتها الحلوة ملياني عقلي الواعي
          وأكبر إثبات على كلامي
          بهديها حبي وسلامي
          صبح وظهر وعشية
           بتمنالها العيشة الهنية
ولو خيرتوني يا ناس
انو اشرب من أي كاس
منها بقبل أي شراب.
بحب ضل معها كل الأيام
صيف،شتى حتى أشهر الحرام
ما بقدر ابعد عنها حتى ساعات
وهاي حقيقة مش أوهام
           الله يديمك يا امي
           لتحملي فرحي وهمي
           بطلب من الله يخليكي
          بصحة ونجاح بحق الكلمة!...