عيد الامومة بمناسبة عيد الام رايت من واجبي ان اعبرّعن ما يجول بخاطري ومشاعري ولكل ام في هذه الدنيا  بهذه الابيات من الموشح البلدي 

بعيد الام اتهنينا وانزاح الهم                  وأحلى كلمة بهالدنيا كلمة يا ام
تحت جناحيك ربينا والشمل التم             ان مشيوا اقدامك عالجنةتصبح تنتين

حملتيني وياما تعبتي شي تسع شهور       وكل شهر تعدي ايامه والعمر يد ور
شفت الفرحة بعينيك من قبل النور          ال شوفتة لما ولدتيني يا نور العين

ما بنسى فضلك مهما تدور الايام            ان غفيت عيني بهاليل عيونك ما تنام
الحنية هدية اعطاك رب الالهام              وقلبك شايل لهمومي وصاير قلبين

الشاعر لافضالك الفّ احلا الاشعار         ولولا العطف الليّ بقلبك ما بتحلى الدار
وما بستغني عن هديك لو كنا كبار           الكلمة من تمّك رحمة الف والفين

ما فّي ثمن فضلك وما فّي رد                 جميلك يا نورعيوني وما فيّ سد
وان كنت مرة بضيقة وان جد الجد          بقطّع من لحمي ان جعتي رطل ورطلين

رح جيبلك احلى واغلى هدية بهالكون      تكون تليق بمقامك ومن اجمل لون
باقة زهر ومحروسة من رب الكون        العطر بانفاسك يغمر نهر ونهرين

يا ربي تحمي امّي وتخلّي البي               وانعيش بهالبيت سوية اخت ومع خي
بوجودك تعلا الراية ويعمر هالحي          وبغيابك سكر قلبي بقفل وقفلي