بمناسبة اليوم الوطني للحذر على الطرق ولمنع حوادث السير يهدي  الشاعر حنا حزان من ابوسنان لزوار موقع المدار هذه الزجليه المتواضعةيا سايق هالسياره لا تفكرها طياره    

سوق بحكمه وحرفه وذوق هذه هي الشطاره

يا خي طوّل بالك لا تستعجل دير بالك

سوق بعقل طلعه وسهل امش حسب الاشاره

لا توقف فجأه بالدرب رح تعمل حادث عن قرب

بس اطلّع قدامك منع الحادث مهاره

الاطفال اللي عقبالك احسبهم مثل عيالك  

اعملّهم مية الف حساب وانت مارق بالحاره

ان شفت قبالك ختيار وبنص الشارع محتار

وقّف ساعد امسك ساعد بلطافه مع اداره

ومّره ان كنت بزحمة سيرلا تتعصبن هيك السير

مش بس انت مستعجل لتوصل عالعماره

امش حسب القوانين ال سنوها المطلعين

لا بتدفع مخالفات ولا بتملّي استماره

لا تسوق وانت سكران جريمه بحق الانسان

لا رح ينفع الندم والافكار المحتاره

وبايام الشتوية والغطيطة بليلية

امش عالضي الواطي وهذه معنى العبارة

لمّا توقف عالدواراللطافة اكبر معيار

خليك مسامح لو كا ن ما انتبه للاشاره 

لا تنسى اهلك بالدار بيستنوا رجوعك ع نار

وامراتك مع ولادك يغنولك عالغوّاره

اسمع نصيحه بلاش لا برطيل ولا معاش

بالتاني السلامه والعجله كلها خساره