قصيدة زجل من داهش مشلب من ابو سنان بعنوان "يا تارك الاوطان".

    يا تارك الاوطان 

يا مجتمع شرقي يا وجداني            يلعمرك بعمر السندياني   

يا ما بتخلق هالارض بلدان            ومثلك ما رح يخلق شرق ثاني

أنت خلقت انسان مش تعبان          وفيك الأصالة هون خلقانة

بس من بعدك خلق أنسان             مثل المرض بعيون غفيانة

هذا الغرب يلرجعك قلقان             وخلّاك مِلكو تكون هالجاني

مش عيب عا جيل السَبَق أزمان     العيبة عهالجيل الطلع فاني

بيخلق بأرضوا الكلها تحنان          والناس فيها كثير منصاني

بيكبر شي سبع سنين هالأنسان      وأن كثرت بوصل للثمانة

تيصير قلبو عالغرب شعلان        والشرق عينو تصير شعلاني

وما في شهر تنقول هذا كان         أبن الشرق بقلوب شفقانة

يا مهاجر ويا تارك الاوطان        أرضك عليك كثير زعلانة

بالشرق في أزهار في ألوان         وعنّا نوايا كثير صفياني

بس بالغرب البقي جوعان           للمجد عينو كثير عطشانة

بالغرب لا تنغر يا فهمان           أبقى بأرضك زهر ريحانة

ولو تسألو رأيي بهالعنوان          بالغرب لو سيّد ما بقبل عيش

   وبضَل عَ ترابي العَم يعاني