يابوليس الدوريه شو القصه شوالخبريه

عم بيقولوا كل الناس بيشبهوا البلطجيه

الشرطه بخدمة الجمهورمش عالعاقل والمقهور

صاير منطق مش معقو ل ضاعت المسؤوليه

تعديتوا عالسواقين  والكمره شافت والعين

ضرب وغاز واهانات والمسبات السوقيه

هاي الشله من اليسام انوجدت لتزيل الاجرام

مش لمخالفات السير البسيطه والعفويه

شو في حاجه للي صاراللي تشحشط واللي انهار

ما بتقدروا العواقب في القرى العربيه

بدنا اياكوا اتكونوا زلام  تحموا الناس من الظّلام

لا تعّيروا بمكيالين شي كشيرشي ً غربيه

العالم السفلي بعيد  مش عم بنقص عم بزيد

بالمركز والمثلث وبالصحرى الجنوبيه

امسكوا المخالفين المسحوبه الرخصه من سنين

لا بهتم ولا بخاف لا بكره ولا عشيه

احنا معاكوا عطول تهزوا العنف بعرض وطول

وتردوا الحق لاصحابه وتحبسوا المشكلجيه

هذا تصرف مش مسؤول اهانه وذل وعلى طول

منطلب من ماحش يزيل الفوضى والعنتريه