اوعوا من الاشرار يا ثوار                  ابنوا قياده صارمه ومحصنه
الخطر بعده خطر والمشوار                قاسي وطويل والطريق ملوّنه
يا ثورة الياسمين شو اللّي صار           مع تونس الخضراء خطوه مدوّنه
والشعب من مصر العروبه اختار        درب التحرر والاراده مصونه
ومن اليمن هبت رياح ونار                نار التحدي عالطغا الموجهنه
ومن بعدها درعا روت اخبار             عن انتفاضة شعبها الحر الغني
من بعد ست شهور ما وضح النهار       ما في قياده ثابته ومعنونه
وامتلات الساحات همّه واعتبار           كل من يشد الحبل صوبه مراهنه
هذه قبيله تقول النا الانتصار               وتيار يهتف بس النا الميدنه
والفيس بوك حلقة تواصل هيك صار     سلاح ذو حدين وهون الملعنه
خوفي انا لا يتم تنفيذ القرار                وزخم الاراده والتحدي ينحني
بدنا اتاترك العرب يحمي الديار           والشعب راح يمحي الزمان الارعني
بدنا صلاح الدين قوه واقتدار              يهزم تتار العصر وينقذ هالدني
بدنا جيفاره مع كوفيه كليل غار           يحقق مطالب شعبنا المزمنه
ونصبح مناره للتقدم والعمار              واجيالنا تقضي ع عصر الهيمنه
من دون وحده ما منطول الانتصار      المواطنه هي الهويه المتقنه
من دون تدين او مذاهب باختصار       كلنا بني اّدم ما بدنا شمتنه
كل من عدينه يعينه ال جبار              ويفرش طريقه الى الجنه المعلنه
ما في حقوق تموت يا ستار               والشعب واعي والعقول المزيّنه