وينك يا قمر في السما بعيد                    طلطل ونوّر علينا بطقم جديد
 
شباك بتظل في العتم وحيد                    حبيبك هاجر وشوقك الو بيزيد
 
معروف انو الوحده صعبه اكيد                لكن بهيك حاله شو بيطلع بالايد
 
من هالقصص عرفت كثير وعديد              والعيشه مع الماضي ما بتفيد
 
ليك النجوم جنبك مثل خدام عبيد               بقولوا تعا نسكر سوى ع كاس نبيد
 
ويصير الدم يضرب ريق الوريد               وننسى الهموم ونسكر سكره العيد
 
حتى بنص الليل يجيك البلبل الغريد            يسهر ويسمعك لحن اصواتو السعيد
 
تتغفى بحضن غيمه واحلام مضت تستعيد      والزهرات يجفو والعبير منهن يحيد
 
اليوم صارت البسمه الف حوريه تصيد        والغمزه تخليهن ينادولك احلى عقيد
 
شوفني انا صرت مثل ساعي بريد            وعكل رساله حب بوخذ بوسه اذا بريد