جارت الايام والحياه صارت حسودي           وحتى الزمن ما عاد يعرف قانوني
 
صرت عايش مثل طير حسوني               بتنقل من شجره لشجره بين فنوني
 
الحجل بتكتك  من هالعمر خلصوني           وبقول خذني معك يا طير السنوني

 
رح بحكي عن صبيّه ع حبها علموني          وبلمحه بصر عن طريقها بعدوني
 
خبيتها بحضني تحت جنحين كسوني           جنح انكسر برصاصه صابوني           
 
وجنح انحنى وبظلم الحياه كووني              ما بعرف يمكن بالعين صابوني
 
مدري من طعم الحياه المّر سقوني             او من كثر الحمل صابني سخوني                        
بالاول كنت قلها خلقتي بعيوني              واليوم صرتي دمعه حنوني
 
دموعي صارت تحرقلي جفوني               ونار الفرقه خلاني بحاله جنوني
 
كنتي موجوده داخل القلب مصوني            كنتي بلسم لجروحي لما يداووني
 
كانت ورده تفحفح عبير ودودي              بتشبه بوسه شفاف حمرا عالخد بسوني
 
ولما بتطلع عليّ نظراتها بيقتلوني            بصير انده ع احبابي دخلكوا احموني
 
وفجأه بيوم قلبك وروحك نسوني               صرت فتش ع حكيم للنفس يشفيلي ظنوني
 
ما عاد في عدل وحق ولا ديوني                لكن بس ع الكرامه اهلي ربوني
 
ما بتنازل عن كرامتي ولو الناس عدوني        لهيك معروف بأسم صادق سموني