بنص الليل وحدي سهران                   عم ناجي القمر في السما تيهان

رويت قصتي للقمر من زمان                عن صبيه كنت فيها ولهان

حدثتو عن جمال الصبيه الفتان               جمالها عطر ورد وريحان

من اول لمحه صرت فيها ولعان              وبثاني نظره صرت هويان

رميت ورقه عليها مكتوب عنوان              مع اسمي وكلمه حبيتك برهان

عزمت الصبيه ع مطعم جيعان                صار كاس الخمر يضرب ع ريق شريان

بديت عرفّها ع حالي ومن اي بيت ربيان        قلتلها انا مثل كل هالناس خلقان

كنا نجلس سوى ع سرير نعسان                ونحضن بعض بدفى دفيان

ولما كنا نروح ع البحر سيران                 كنت اقعد ع شط البحر حفيان

وانتي تحفري اسامينا ع صخر صوان          وانا ارسم قلب حب ع الرمل فرحان

صرنا نمشي ع شفاف البحر والموج هيجان     كأنو هالموج بدوا يلبس هالعالم فستان

 بتعرفي ,البحر والموج هني للحب سلطان     والشوق والامل هني لكل واحد عقلان

قالت لا تنسى الدني قسمه ونصيب يا غويان    كلامك صح لكن القسمه بدها سعي وايمان

عليها عيون مثل حب لؤلؤ مرجان           كرمالها بمشي ع الجمر رغم بعدني بالصبا ريعان

اذا بتمشي بالغابه بفتح ورد ذبلان           ومنها بيهربوا تيفرشوا بساط احمر الغزلان

لا تبعدي عني بصيبني مرض نسيان            خليني قلبك وروحك انا ملكان

اليوم بقيت لوحدي حيران                  رحت للبحر لاشكي الهموم زعلان

جاوبني لا تسأل قديش هموم صرت شربان   ما بتعرف قديش من الاوجاع انا رويان

ما الك غير تروح وتطلب الغفران          هالشي الوحيد يلي بحافظ على حب وسلوان

الفراق اصعب من الكي بالنيران            وكل قلب بدوا حب تيروي قلب عطشان

خليك يا قمر عايش بأجمل بستان          هذه قصتي,لا تحب ابقى جالس بأحلى ديوان