ادب وشعر | رثاء الى اعز الناس خالي الغالي بقلم نسرين نايف حرب

الجمعة 26.04.2024

رثاء الى اعز الناس خالي الغالي بقلم نسرين نايف حرب

2010-06-06 12:34:10

الى من ترك طيفه عطرا..

رثاء الى اعز الناس خالي الغالي...هيثم ابو تميمي.

راح السر..راح مع صحابو

مغطا بالعبا والعبا تغطي جنابو

تعشمت تغطيها يوم فرحو..يوم يكون زين شبابو

جيتك ركض ورجلي ما حملتني

وقلبي وروحي عالارض ذابو

ما لقيتك بس ريحتك هناك..وقالوا معلق برقابو

عرفت وقتا معنى الحسرة والوجع وكسر القلب وعذابو

فت عديارو لشم ريحتو بثيابو

على امل دق وهو يفتحلي بابو

واركض علي وضمو... لا ما بدي اعيش مع سرابو

فتحت عيوني يا قلب ما ضل غير اشم وابوس ترابو

* * *

القلب نار وشعلانة والنفس ياخال احتارت

لمست ايدك يا روح الروح لقيتا جليد صارت

ما بدي اعاتبك..اعاتبك كيف وانت النفس وما شالت

ما رادت عيوني هالفراق بس هيك الدنيا اختارت

نريد الصبر..يا مين يصبرنا والدنيا علينا جارت

دخلو الكريم يصون عقل امك زي ما بعيونها صانت

دخيلكن يا ناس امك صرخت وقالت

ودعنا يا غالي جسدك ونعشك لكفوف شالت

* * *

ويلي...ويلي عليك يا خالي

ما فيي عزي حدا كيف بدي عزي حالي

طول عمري ادعس عالتراب

صار هلأ لتراب ذهب وغالي

بخاف...بخاف عالتراب احط نعالي

لتزعل بيوم وتدمع عيونك..بخاف..لاكن

ما اتخيل تحت التراب جسمك ساكن

تنام عيني يخال تنام وانت جواها ساكن

وان كان جسدك وين ما كان بتظل بالقلب لتخلا علينا المساكن..

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير