ادب وشعر | زهرة كف الدب كلمات:عادل زيدان بيت جن

الاربعاء 24.04.2024

زهرة كف الدب كلمات:عادل زيدان بيت جن

2010-04-09 17:01:15

يا زهرة الَلي في ارضنا نبتي و بظل السنديانة والملة

سكنتي

جمالك مميز وما الو ثاني و من بين خياتك بالاناقة

تألقتي

مميزة وحلاكي حلا رباني وعند ما ذِبلت زهورك ع شكل كف الدب

صرتي

يا زهرة نادرة بالشرق الاوسطاني ومش صدفة بارض بيت جن وحدو

انوجدتي

هالبلد الشامخ تاج الجليل وعالي المكاني اللي منو استمديتي الروح

واخلقتي

من ترابات الزابود ارض الشجاعة والعنفواني ومن عرق جبين اجدادنا تغذيتي واشربتي

شربتي وتمسكتي بالارض بشلوشك العطشاني و تا البيت جني يتمسك بأرضو هدفتي

يا زهرة اللي بوجودك بتوحي أجمل معاني صوَرْتها بخيالي عمتحكي مع حدا صدفة

كانها صبية غريبة طالبة تنقلها لبلد تاني رفضت الزهرة وقالت:

ما فيي غريبة روح ولا فيي غير

هويتي

لا تزعلي عَْليي فيكِ تزوريني بالسنة مرة بشهر نيساني

ومن مرة بتزوري الزابود العشيق اللي

عرفتي

شو رايك تبقي معي بفيْ السنديانة وعشية بروح معك شرط تبقِي معي ويكون

ببيت جن بيتك وبيتي

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير