شخصيات محلية | خلصت السنة بقلم مرام معلم الناصرة

الخميس 25.04.2024

خلصت السنة بقلم مرام معلم الناصرة

2009-06-28 01:04:08

كانت سنة فرح مليانة حب ومرح

بتتذكر لما كنت تيجي الصبحيات يستقبلوك أصحابك ومعهن خبريات

وتقعدوا بالفرصة تحت الشجرات تحكوا قصص وتحكوا غراميات؟؟

كانت سنة شقاوة وتحريات راح تضل بعقولنا ذكريات

يتتذكر لما كنت تعمل شي مشكلة صغيرة يجيبولك الأهل وتصير كبيرة

أو تجاوب ويعلى صوتك على أستاذك وما ترضى تتاسفلو قبل ما يغفرلك؟؟

كانت سنة ضغط وامتحانات وخلصناها بأعلى علامات

بتتذكر لما في امتحان تفوت عليه مرعوب ورجفان

كنت تدرس طول الليل وعقلك تعبان يجيك سؤال حله مستحيل وأنت غلبان؟

كانت سنة مليانة مفاجئات الحلوة أكثر من السيئات

بتتذكر لما عملوا مفاجئة لطالب وجبولوا كعكة وعملولوا مقالب

أو حطولوا حشرة صغيرة صار يصرخ وسمعتو كل الجيرة؟؟

كانت سنة طلعات ونزلات والشاطر بدو رضا المعلمات

بتتذكر لما كنت تيجي عالمدرسة بكير قبل ما يدق الجرس بكثير

لأنه أستاذنا ما بحب التأخير ولا عذر بقنعو ولا تعبير؟؟

وهلق صار لازم نودع السنة الدراسية حلوة كانت أو مرة بروح رياضية

ومنودع مدرستنا الغالية راح نرجعلك يا أمنا الثانية

عيونا بتطلع لسنة جديدة وبآي يا مدرستي الحبيبة

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير