الرئيسية
اضفنا للمفضلة
اتصل بنا
كفرساويات
مزايدات انتخابات وحكي من كل الإتجاهات
عم تزاود على مين وبتوزع شهادات
الصوت الحر بيبقى حر للممات
فكرك الك فيك تحكيه باحلا التوجهات
هيهات تعمل تغيير لما بتحكي مغالطات
ربينا في بلد الاحرار وبعدنا اولاد الحارات
بيوت ال من ازاز ما فيها تضرب حجارات
تحكي وتزيد التهم وتكيل بكل الصاعات
صرنا نعطي شرعية ونوزع اتهامات
ونفتح صفحة غريبة باسماء مستعارات
ومنحكي فيها براحة ومنكثر مسبات
واللي خبرته قويه بيسكرها لساعات
وما بقي غير نستنا تنسمع تجديدات
تحولنا لمقابر منتجمع وقت الممات
ومنوصل احبابنا وبعد شوية صلاوات
منرجع كيف ما كنا نحكي بشغلات
ما الها مصداقية ومليانة مغالطات
حقي وحقك يا خي ومن غير منازعات
مثل ما صوتك الك حرية من هالحريات
صوتي حقي وما فيك تعمل مراهنات
وتوزع أوسمة عالناس وتلون شهادات
البلد ما هي كبيرة والكل شايف الطرقات
والحفرة اللي بتحفرها لغيرك بتخطيطات
لاتنسى تسكرها منيح وتقفلها عالبرمات
بغلطة أو هفوة صغيرة بتوقع بمطبات
وبيطلعلك انسان عزيز بيهدد بكلمات
"ما تخليني احكي تاريخ وافتح عكل الجهات"
بكفي نحكي قصص ونلون رسومات
رسماتي حلوة الوانها وغيري رسمو خربشات
تغييرات وتغييرات بس بوقت الانتخابات
أما بباقي الايام شو الي بهالوقعات
اللي بيحسبها لحظة وبتنتهي التحيات
وبرجع بعد خمس سنين مع ذات الحكيات
خليها لحظة صغيرة نعمل فيها حسابات
شو انا قدمت وشو عملت ايامات
خليها لحظة صغيرة نعمل فيها حسابات
شو بعد بقدر أعط لبلد خيرة البلدات
خليها لحظة صغيرة نعمل فيها حسابات
ما هم وين اكون ادارة أو معارضات
خليها لحظة صغيرة نعمل فيها حسابات
البلد بلدنا ومليانة كثير طاقات
خليها لحظة صغيرة نعمل فيها حسابات
ونكون الخميرة الطيبة لكل المجتمعات
خليها لحظة صغيرة نعمل فيها حسابات
ونترفع بفكرنا وما نحكي بمزايدات
برأيي واسا بقولو بلدي احلا البلدات
بعلنها قدام الكل وما فيها منازعات
خطط واعط من قلبك وما تبقى بسبات
وتنام نوم ثقيل ومن غير مراجعات
ما تحاول تحكي تاريخ كنا وكانت ايامات
المسؤولية على الكل وما بتتوزع بمزادات
بلد العلم والنور هيهات نقبل هيهات
نبقى نعيش عالماضي ونتغنى بذكريات
منبقى بهالبلد اخوان وما بتفرقنا انتخابات
مع كل المحبة
كميليا سعدة
كفرياسيف
